ராஜஸ்தான் மாநிலம், சிகார் மாவட்டத்தில், நாதா கி நங்கல் என்ற கிராமத்தில் வசித்து வந்தார், சுனிதா. இவரும் பாகேஷ்குமார் என்ற இளைஞனும் காதலித்ததாகக் கூறப்படுகிறது. இந்நிலையில், பாகேஷ்குமார் சுனிதாவைத் திருமணம் செய்து கொள்ள வற்புறுத்தியுள்ளார். இதற்கு சுனிதா மறுப்புத் தெரிவிக்கவே, ஆத்திரமடைந்த பாகேஷ் தன் காதலி சுனிதாவின் வீட்டிற்குள் புகுந்து, அவரை பெட்ரோல் ஊற்றி எரித்திருக்கிறார்.
இதையடுத்து, சுனிதாவின் குடும்பத்தினர், அவரை சிகிச்சைக்காக மருத்துவமனையில் அனுமதித்தனர். ஆனால், பலத்த காயமடைந்த சுனிதா சிகிச்சைப் பலனின்றி உயிரிழந்தார். இதனிடையே, பாகேஷ் குமார் விஷமருந்தி தற்கொலை செய்துகொள்ள முயன்றுள்ளார்.