வாயில் திராவகம் ஊற்றி மனைவியை கொன்ற இளைஞர் கைது!

டெல்லி: மனைவியின் வாயில் திராவகம் (ஆசிட்) ஊற்றி கொலைசெய்த புகாரின் பேரில் காவலர்கள் இளைஞரை கைதுசெய்தனர்.

டெல்லி பரிதாபாத் ரோதாக்பூர் பகுதியில் உள்ள வீட்டில் வசித்துவருபவர் ரவி. இவரது மனைவி பிரியங்கா. இருவருக்கும் 2018ஆம் ஆண்டு திருமணம் நடந்தது. இந்த நிலையில் ரவி, பிரியங்காவை கூடுதல் வரதட்சணை கேட்டு அடித்து துன்புறுத்தி வந்துள்ளார்.

இந்தக் கொடுமைகள் குறித்து பிரியங்கா தனது பெற்றோரிடம் தெரிவித்துள்ளார். இதற்கிடையில் வெள்ளிக்கிழமை இரவு ரவி பிரியங்காவை பலமாக அடித்து உதைத்துள்ளார். இதையடுத்து அவரின் வாயில் வலுக்கட்டாயமாகத் திராவகத்தை ஊற்றி கொலைசெய்ததாகத் தெரியவருகிறது.

இது குறித்து பிரியங்காவின் பெற்றோர் டெல்லி காவல் நிலையத்தில் புகார் அளித்தனர். இந்தப் புகாரைப் பெற்றுக்கொண்ட காவலர்கள் ரவியை கைதுசெய்து விசாரணை நடத்திவருகின்றனர்.

இதையும் படிங்க: வில்சன் கொலை வழக்கு: பயங்கரவாதிகளுக்கு அடைக்கலம் கொடுத்ததாக ஒருவர் கைது