கரோனா அச்சம் கிரமத்திற்கு வெளியே படகில் தனிமைப்படுத்தப்பட்ட முதியவர்

கொல்கத்தா: கரோனா அச்சத்தால் முதியவர் ஒருவரை கிரமத்தினர் ஊருக்கு வெளியே படகு ஒன்றில் தனிமைப்படுத்தி வைத்த சம்பவம் நிகழ்ந்துள்ளது.

மேற்குவங்க மாநிலம் நடியா மாவட்டத்தைச் சேர்ந்த ஆன்மீக பாடகர் நிரஞ்சன். இவர் பாடல்களுக்காக மாநிலம் முழுவதும் சுற்றுப்பயணம் மேற்கொள்வது வழக்கம்.

அந்தவகையில், தனது சுற்றுபயணத்தின் ஒரு பகுதியாக கடந்த வாரம், மேற்குவங்க மாநிலம் மால்டாவிற்கு சென்றுள்ளார். அப்போது நாடு முழுவதும் ஊரடங்கு உத்தரவு அமலில் இருந்ததால் போக்குவரத்து சேவை முற்றிலும் துண்டிக்கப்பட்டிருந்து. இதனால், அதே மாவட்டத்தில் உள்ள தோபாரா என்னும் கிராமத்தில் வசிக்கும் தனது சகோதரரின் வீட்டிற்கு சென்ற நிரஞ்சனிற்கு பெரும் அதிர்ச்சி காத்திருந்தது.

கரோனா தொற்று பரவல் அச்சத்தில் இருந்த அந்தக் கிராம மக்கள் வெளியூரிலிருந்து வந்திருந்த நிரஞ்சனை கிரமத்திற்குள்ளே வர அனுமதிவில்லை. தனக்கு எந்தவொரு நோய் தொற்றும் இல்லை என்று நிரூபிக்கும் சூழலுக்கு தள்ளப்பட்ட நிரஞ்சனுக்கு, மேலும் ஒரு அதிர்ச்சி காத்திருந்தது.

அவருக்கு எவ்வித நோய்த் தொற்றும் இல்லை என்று கூறிய மருத்துவர், வெளியூரிலிருந்து வந்துள்ளதால் 14 நாட்கள் தனிமைப்படுத்தவேண்டும் என்று அறிவுறுத்தினார்.

இந்நிலையில், நிரஞ்சனின் சகோதரர் வீட்டில் ஏற்கனவே ஐந்து நபர்கள் இருப்பதால், அவரை தனிமைப்படுத்துவதற்காக போதிய இடவசதியில்லை.

இதனையடுத்து. ஊர்மக்களிடம் கலந்தலோசித்த நிரஞ்சனின் சகோதரர் விநோதமான ஒரு முடிவிற்கு வந்தார். அது என்னவெனில், ஊருக்கு ஒதுக்குப்புறமாக உள்ள ஆற்றின் அருகே படகில் அவரை தனிமைப்படுத்துவது தான்.

இதுகுறித்து கூறிய நிரஞ்சன்,

மத்திய அரசு அறிவித்திருந்த ஊரடங்கு உத்தரவு குறித்து அறியாமல், சகோதரரின் வீட்டிற்கு வந்த தன்னை கிராம மக்களின் ஆலோசனைப்படி, தனது சகோதரர் படகில் தனிமைப்படுத்தியுள்ளார். மேலும், தனக்கு தேவையான உணவு பொருள்களை தினந்தோரும் வழங்கி சென்றாலும் தனிமையில் உள்ள தனக்கு நீரின் அலைகளே துணையாக உள்ளன என தனிமையின் விரக்தியிலும், அச்சத்தில் உள்ள அவர் வருத்தத்துடன் தெரிவித்தார்.

இதையும் படிங்க: கோவிட்-19 தொற்று குறித்து வதந்தி பரப்பிய பெண் கைது!