ஆற்று வெள்ளத்தில் அடித்துச் செல்லப்பட்ட நண்பர்கள்...! தேடும் காவல் துறையினர்

புதுச்சேரி: ஆற்றில் குளிக்கச் சென்று வெள்ளத்தில் அடித்துச் செல்லப்பட்ட இரண்டு இளைஞர்களை காவல் துறையினர் தேடிவருகின்றனர்.

புதுச்சேரி, சுற்றுவட்டாரப் பகுதிகளில் கடந்த சில நாள்களாக தொடர்ச்சியாக பெய்யும் மழையினால், ஆற்றில் வெள்ளம் கரைபுரண்டு ஓடிவருகிறது. இதனால் கரையோர பகுதியில் வசிக்கும் மக்கள் பாதுகாப்பான பகுதிக்குச் செல்லுமாறு மாவட்ட நிர்வாகம் அறிவுறுத்தியிருந்தது.

இதனால், சாரங்கபாணி ஆற்றில் நீரின் அளவு அதிகமாகி வெள்ளம் கரைபுரண்டு ஒடியுள்ளது. அப்போது, புதுப்பேட்டையைச் சேர்ந்த வினோத் (22), அவரது நண்பர் கார்த்திக் (21) ஆகிய இருவரும் ஆற்றில் குளித்துக்கொண்டிருந்தனர்.

ஆற்றில் வெள்ளம் அதிகரித்து நீரில் இருவரும் அடித்துச் செல்லப்பட்டு மூழ்கினர். இது குறித்து வில்லியனூர் காவல் துறை வழக்குப்பதிவு செய்து ஆற்றில் அடித்துச் செல்லப்பட்டவர்களைத் தேடிவருகின்றனர்.

இதையும் படிங்க: என்னது கடன் குடுக்கமாட்டியா? வங்கியினுள் துப்பாக்கி, கத்தியுடன் நுழைந்த நபர்! சிசிடிவி காட்சிகள்...