நீர்வீழ்ச்சியில் செல்ஃபி எடுத்த இளைஞர்கள் உயிரிழப்பு!

பெங்களூரு: கர்நாடக மாநிலத்திலுள்ள நஜராபூர் பகுதியில் இரண்டு இளைஞர்கள், நீர்வீழ்ச்சியில் செல்ஃபி எடுக்கும்போது தவறி விழுந்து உயிரிழந்தனர்.

கர்நாடக மாநிலம் நஜராபூர் பகுதியில் உள்ள உறவினரின் திருமணத்திற்காக ஹைதராபாத்திலிருந்து அப்துல் ரஹீம், அட்னான் ஆகியோர் சென்றுள்ளனர். அவர்கள், அங்குள்ள தாபா தாபி நீர்வீழ்ச்சியைக் காண்பதற்காக சென்றுள்ளனர்.

அப்போது, அவர்கள் செல்ஃபி எடுக்கும்போது நிலைதடுமாறி தண்ணீரில் விழுந்துள்ளனர். இதில், இரண்டு பேரும் நீரில் மூழ்கி உயிரிழந்தனர். இச்சம்பவம் இம்மாதத்தில் இரண்டாவது முறை என்பது குறிப்பிடத்தக்கது.

பின்னர், சம்பவ இடத்திற்கு வந்த காவல் துறையினர், உள்ளூர்வாசிகளின் உதவியுடன் இரு உடல்களையும் மீட்டு, உடற்கூராய்வுக்காக மருத்துவமனைக்கு அனுப்பி வைத்தனர். இச்சம்பவம் குறித்து, வழக்குப்பதிவு செய்த காவல் துறையினர் விசாரணை மேற்கொண்டு வருகின்றனர்.

இதையும் படிங்க: தொட்டிலில் விளையாடிய 13 வயது சிறுவன்: சேலையில் கழுத்து இறுகி உயிரிழப்பு!