ஜம்மு - காஷ்மீரில் சுட்டுவீழ்த்தப்பட்ட 2 பயங்கரவாதிகள்!

ஜம்மு காஷ்மீர்: அனந்த்நாக் மாவட்டத்தில் பாதுகாப்புப் படையினருக்கும் பயங்கரவாதிகளுக்கும் இடையே நடந்த துப்பாக்கிச் சூட்டில் இரண்டு பயங்கரவாதிகள் உயிரிழந்தனர்.

தெற்கு காஷ்மீரின் அனந்த்நாக் மாவட்டத்தில் வாகமா பகுதியில் பயங்கரவாதிகள் பதுங்கி இருப்பதாக ஜம்மு-காஷ்மீர் காவல் துறையிடமிருந்து பாதுகாப்புப் படையினருக்குத் தகவல் கிடைத்துள்ளது.

இதனையடுத்து பாதுகாப்புப் படையினர் இன்று (ஜூன் 30) காலை அப்பகுதியில் அதிரடி சோதனை நடத்தினர். அப்போது பாதுகாப்புப் படையினருக்கும், அங்கு பதுங்கியிருந்த பயங்கரவாதிகளுக்கும் இடையே துப்பாக்கிச் சூடு நடைபெற்றது.

துப்பாக்கிச் சூட்டில் அடையாளம் தெரியாத பயங்கரவாதிகள் இருவர் சுட்டுவீழ்த்தப்பட்டதாக ஜம்மு-காஷ்மீர் காவல் துறை தெரிவித்துள்ளது.

ஜூன் மாதம் மட்டும் தெற்கு காஷ்மீரில் நடந்த துப்பாக்கிச் சூட்டில் இதுவரை 33 பயங்கரவாதிகள் இறந்துள்ளனர் என்பது குறிப்பிடத்தக்கது.

இதையும் படிங்க...விசாகப்பட்டினம், சைனர் பார்மா விஷவாயு கசிவில் இருவர் உயிர் இழப்பு!