ஹைதராபாத் (தெலங்கானா):மத்திய அரசு கொண்டுவந்துள்ள மூன்று புதிய வேளாண் சட்டங்களுக்கு எதிராக டெல்லியில் பத்து நாட்களுக்கு மேலாக விவசாயிகள் சங்கத்தினர் போராட்டம் நடத்தி வருகின்றனர். இந்த விவசாயிகளுக்கு ஆதரவாக நாடெங்கிலும் பரவலாக போராட்டம் நடைபெற்று வருகிறது. இதற்கிடையில், பிரச்சனைக்கு தீர்வு காணும் வகையில், மத்திய அரசு போராட்டத்தில் ஈடுபட்டுள்ள விவசாயிகளுடன் தொடர் பேச்சுவார்த்தை நடத்தி வருகிறது.
இதையடுத்து, வேளாண் சட்டங்களுக்கு எதிராக நாளை மறுநாள் (டிசம்பர் 8) நாடு தழுவிய முழு அடைப்பு போராட்டம் (பாரத் பந்த்) நடத்த விவசாயிகள் சங்கத்தினர் அழைப்பு விடுத்துள்ளனர். இதற்கு காங்கிரஸ், ஆம் ஆத்மி, திமுக உள்ளிட்ட அரசியல் கட்சிகள் ஆதரவு தெரிவித்துள்ளன.