அமராவதி: ஆந்திர மாநிலத்தைச் சேர்ந்த ஷ்யாம் சுந்தர் என்பவர் காவல் உதவி ஆய்வாளராக பணியாற்றிவருகிறார். இவரது மகள் ஜெஸ்ஸி பிரசாந்தி, அம்மாநில குரூப் ஒன் தேர்வில் தேர்ச்சி பெற்று, காவல் துறை துணை கண்காணிப்பாளராக சமீபத்தில் பதவியேற்றுள்ளார்.
இந்நிலையில், திருப்பதியில் நடைபெற்ற காவல் துறைக் கூட்டத்தின்போது டிஎஸ்பி ஜெஸ்ஸியை அவரது தந்தையும், காவல் உதவி ஆய்வாளருமான ஷ்யாம் சுந்தர் சல்யூட் வைத்து வரவேற்றுள்ளார். இந்த பெருமையான தருணத்தின் புகைப்படம் சமூகவலைதளத்தில் அதிக அளவில் பகிரப்பட்டு வருகிறது.
பொறியியல் பட்டதாரியான ஜெஸ்ஸி, சிவில் சர்விஸ் தேர்வில் தோல்வியடைந்து பின்பு குரூப் ஒன் தேர்வில் கலந்துகொண்டு தனது கடும் உழைப்பினால் தேர்ச்சி பெற்றுள்ளார்.