ஜம்மு காஷ்மீர் மாநிலம் அனந்த்நாக் மாவட்டத்தில் உள்ள பிஜ்பெஹ்ரா பகுதியில் எல்லை பாதுகாப்புப் படையினர் நடத்திய தேடுதல் வேட்டையின்போது பயங்கரவாதி சஹித் தாஸ் சுட்டுவீழ்த்தப்பட்டார்.
கடந்த மாதம் 27ஆம் தேதி சஹித் தாஸ் நடத்திய பயங்கரவாதத் தாக்குதலில் எல்லைப் பாதுகாப்பு வீரர், ஜம்மு காஷ்மீர் காவலர், ஆறு வயது சிறுவன் என மூன்று பேர் கொல்லப்பட்டனர்.
இதையடுத்து, சஹித் தாஸை தேடும் பணியில் தீவிரமாக ஈடுபட்ட பாதுகாப்புப் படையினருக்கு பிஜ்பெஹ்ரா பகுதியில் அவர் பதுங்கியிருப்பது தெரியவந்தது. இந்நிலையில் அப்பகுதியை பாதுகாப்பு படையினர் சுற்றிவளைத்தனர். இதைத்தொடர்ந்து, பாதுகாப்புப் படையினருக்கும் சஹித் தாஸூக்கும் இடையே நடைபெற்ற மோதலில் சஹித் தாஸ் சுட்டு வீழ்த்தப்பட்டார்.