நிலத்தகராறில் பலத்த காயமடைந்த முதியவர் உயிரிழப்பு!

ஹைதராபாத்: தெலங்கானாவில் நிலத்தகராறின் போது பலத்த காயமடைந்த முதியவர் மருத்துவமனையில் அனுமதிக்கப்பட்ட நிலையில், சிகிச்சை பலனின்றி உயிரிழந்தார்.

தெலங்கானா மாநிலம் காமரெட்டி மாவட்டத்தில் மால்தும்மேடா கிராமத்தை சேர்ந்தவர் கிஷ்டய்யா. இவருக்கும் அதே கிராமத்தை சேர்ந்த மற்றொரு நபருக்கும் நிலத்தகராறு இருந்து வந்துள்ளது.

இந்நிலையில், நேற்று இரவு வாக்குவாதத்தில் தொடங்கிய நிலத்தகராறு பிரச்னை ஒரு கட்டத்தில் கைகலப்பாக மாறியுள்ளது. கிஷ்டய்யாவை திடீரென மற்றொரு நபர் கட்டையால் பலமாக தாக்கிவிட்டு தப்பியோடியுள்ளார்.

இதில், பலத்த காயமடைந்த கிஷ்டய்யாவை மருத்துவமனையில் சிகிச்சைக்காக அனுமதித்துள்ளனர். இருப்பினும், சிகிச்சை பலனின்றி அவர் உயிரிழந்தார்.

இதுகுறித்து வழக்குப்பதிவு செய்த காவல்துறையினர் விசாரணை மேற்கொண்டு வருகின்றனர்.