இலங்கை தொடர் குண்டுவெடிப்பு சம்பவத்தையடுத்து தீவிரவாதிகள் இந்தியாவுக்குள்ளும் ஊடுருவலாம் என்பதால் நாடு முழுவதும் பாதுகாப்பு பலப்படுத்தப்பட்டுள்ளது.
இந்நிலையில், புதுச்சேரி சட்டப்பேரவை வளாகத்தில் பாதுகாப்பு பணிகளை மேம்படுத்துவது தொடர்பாக சட்டப்பேரவைச் செயலாளர் வின்சென்ட் ராயர் தலைமையில் ஐந்து பேர் கொண்ட குழுவினர் நேற்று ஆய்வு செய்தனர்.
புதுச்சேரி சட்டப்பேரவை வளாகத்தில் பாதுகாப்பு அதிகரிப்பு!
அதன்பின், சட்டப்பேரவை வளாகத்தில் பொருத்தப்பட்டுள்ள எட்டு கேமராக்கள் பல ஆண்டுகளுக்கு முன் பொருத்தப்பட்டதால் தற்போது பழுதடைந்துவிட்டன. எனவே அவற்றை அகற்றிவிட்டு புதிய நவீன ரக கேமராக்கள் பொருத்துவதற்கான நிதியை சபாநாயகர் வழங்க வேண்டும் எனகேட்டுக்கொண்டனர்.
இந்நிலையில், வேண்டுகோளுக்கினங்க புதுச்சேரி சட்டப்பேரவையில் புதிய நவீன ரக கேமராக்கள் பொருத்தப்படும் என துணை சபாநாயகர் சிவக்கொழுந்து தெரிவித்துள்ளார். இதையடுத்து, அதற்கான பணிகள் தற்போது நடைபெற்று வருகிறது.
