Mumbai Flood Latest : மஹாராஷ்டிராவில் கடந்த சில வாரங்களாகவே கனமழை பெய்துவருகிறது. இந்நிலையில் வானிலை ஆய்வு மையம், மும்பை மற்றும் அதன் சுற்று வட்டாரப் பகுதிகளில் இன்றும் நாளையும் அதிதீவிர கனமழைக்கு வாய்ப்புள்ளதாக ரெட் அலர்ட் எச்சரிக்கை விடுத்துள்ளது.
இதன் காரணமாக மும்பை, தானே, கொங்கன் ஆகிய பகுதிகளிலுள்ள பள்ளிகளுக்கு விடுமுறை அறிவிக்கப்பட்டுள்ளதாகவும், உள்ளூர் வானிலையைப் பொறுத்து மற்ற மாவட்டங்களில் உள்ள பள்ளிகளுக்கு விடுமுறை அளிப்பது குறித்து அந்தந்த மாவட்ட ஆட்சியர்களே முடிவு செய்துகொள்ளலாம் என்றும் மஹாராஷ்டிரா மாநிலத்தின் கல்வித் துறை அமைச்சர் ஆஷிஷ் ஷெலார் தனது ட்விட்டர் பக்கத்தில் தெரிவித்துள்ளார்.