விஜய் மல்லையாவை நாடு கடத்துவது தொடர்பான வழக்கு லண்டன் நீதிமன்றத்தில் விசாரணைக்கு வந்தது. அப்போது விஜய் மல்லையா, “மத்திய புலனாய்வு அமைப்பினர் (சிபிஐ), அமலாக்கத் துறையினர் என்னிடம் முற்றிலும் நியாயமற்ற முறையில் நடந்துகொண்டனர்.
கடந்த நான்கு ஆண்டுகளாக அவர்களின் நடவடிக்கை நியாயமற்றது. நான் எனது கடனை முழுவதுமாகச் செலுத்திவிடுகிறேன். எனது சொத்துகளை ஒருபக்கம் கடன் கொடுத்த வங்கிகளும், மறுபக்கம் அமலாக்கத் துறையினரும் பிடித்து இழுக்கின்றனர்.
நான் அமலாக்கத் துறையிடம் எவ்வித கடனையும் வாங்கவில்லை. உண்மையில், வங்கிகளிடமிருந்தும் நான் கடன் பெறவில்லை. எனது நன்மதிப்பின் அடிப்படையில் கிங் பிஷர் நிறுவனத்துக்கு வங்கிக்கடன் கிடைத்தது. ஆனாலும் அந்தக் கடனை திருப்பிச் செலுத்த நான் தயாராக உள்ளேன்” என்றார்.