புதுச்சேரி வம்பகீரபாலயம் மீனவர்கள் நேற்று கடலுக்கு மீன் பிடிக்கச் சென்றனர். 10 நாட்டிக்கல் மைல் தூரத்தில் மிக கனமான பொருள் ஒன்று வலையில் சிக்கியதைத் தொடர்ந்து, அதனை மீனவர்கள் கரைக்கு கொண்டு வந்தனர்.
இதுகுறித்து காவல் துறையினர் வழக்குப்பதிவு செய்து விசாரணை நடத்தி வந்தனர். அதில், செயற்கைக் கோளை விண்ணுக்கு எடுத்துச் செல்லும் மோட்டார் தான் இது என்பது தெரியவந்தது. 2019ஆம் ஆண்டு மார்ச் மாதம் 22ஆம் தேதி என எரிபொருள் குறிப்பிடப்பட்டுள்ளது. இதுகுறித்து தகவல் தெரிவிக்கப்பட்டதைத் தொடர்ந்து, ஸ்ரீஹரிகோட்டாவில் இருந்து இஸ்ரோ குழு இன்று புதுச்சேரிக்கு வந்து, அந்த பொருளை ஆய்வு செய்தனர்.
மீனவர்கள் வலையில் சிக்கிய செயற்கைக்கோள் டேங்கர்