2015ஆம் ஆண்டு டிசம்பர் மாதத்தில் டெல்லியில் உள்ள சாலையில் தீரஞ் குமார் என்பவரும் அவரது தந்தையும் இருசக்கர வாகனத்தில் சென்றபோது, சாலையில் வைக்கப்பட்டிருந்த சங்கிலித் தடுப்புகளில் மோதி விபத்துக்குள்ளாகினர். இந்த விபத்தால் தீரஞ் குமாரின் கண்களுக்கு பாதிப்பு ஏற்பட்டது.
இதையடுத்து, சாலையில் வைக்கப்பட்டிருந்த தடுப்புகளால் எனது வாழ்வில் ஏற்பட்ட பிரச்னைகளுக்கு இழப்பீடு வழங்க வேண்டும் எனக் கோரி டெல்லி உயர் நீதிமன்றத்தில் தீரஞ் குமார் மனுதாக்கல் செய்தார்.
இந்த மனு நீதிபதி நவீன் சாவ்லா முன்னிலை விசாரணைக்கு வந்தது. அதில் தீரஞ் குமார் தரப்பில், ''சாலையில் வைக்கப்பட்டிருந்த சங்கிலியால் இணைக்கப்பட்டிருந்த தடுப்புகளில் ஒளிக்கதிர்கள் போதுமான அளவிற்கு தெரியவில்லை. காவல்துறையினரின் அலட்சியம் எங்களின் விபத்திற்கு காரணம்'' என வாதிடப்பட்டது.