இந்தியாவில் வேலைவாய்ப்பின்மை தற்போது அதிகரித்துவரும் சூழ்நிலைக்கு மத்திய அரசுதான் காரணம் என பாஜக அரசை குற்றஞ்சாட்டிவரும் காங்கிரஸ் கட்சி, வேலை இல்லாதவர்களுக்கு ஆதரவாக 'வேலைக் கொடு' (Rozgar Do) என்னும் பரப்புரையை ஆரம்பித்திருக்கிறது.
உலகளவில் வேலையில்லாத இளைஞர்கள் அதிகம் உள்ள நாடுகளில் இந்தியாவும் ஒன்று, தற்போதைய சூழ்நிலையில் வேலைவாய்ப்பு என்பது மிகவும் அவசியமானதாக உள்ளதால், காங்கிரஸ் இந்தப் பரப்புரையை தொடங்கியதாக அக்கட்சியின் இளைஞரணி வெளியிட்ட அறிக்கையில் தெரிவிக்கப்பட்டுள்ளது.
இந்நிலையில், காங்கிரஸ் கட்சியின் இளைஞர் அணி தலைவர் ஸ்ரீனிவாஸ் கூறுகையில், "பாஜக 2014ஆம் ஆண்டில் ஆட்சிக்கு வந்தால் இரண்டு கோடி பேருக்கு வேலை உறுதி எனக் கூறினார்கள்.