நாடாளுமன்றத்தில் சென்ற வாரம் நிறைவேற்றப்பட்ட வேளாண் சட்ட திருத்த மசோதாவிற்கு எதிர்ப்பு தெரிவித்து இந்தியா முழுவதும் விவசாயிகள் போராட்டம் நடத்தி வருகின்றனர். அதன் ஒரு பகுதியாக இன்று காலை (செப்.28) பஞ்சாப் இளைஞர் காங்கிரஸை சேர்ந்த 20க்கும் மேற்பட்டோர் இந்தியா கேட் அருகே ஒரு டிராக்டருக்கு தீ வைத்து தங்களது எதிர்ப்பை தெரிவித்தனர்.
இதுகுறித்து தகவலறிந்து வந்த தீயணைப்புத் துறையினர் தீ வைக்கப்பட்ட டிராக்டரை அகற்றினர். மேலும் இந்த சம்பவம் குறித்து வழக்குப்பதிவு செய்து விசாரணை நடத்தி வருகின்றனர்.