காரைக்காலில் மாங்கனித் திருவிழா ஆண்டுதோறும் வெகு விமரிசையாக நடைபெறுவது வழக்கம். காரைக்கால் அம்மையாரின் வாழ்க்கை வரலாற்றை நினைவுகூறும் வகையில் ஆண்டுதோறும் இத்திருவிழா நடத்தப்படுகிறது.
கரோனா பொதுமுடக்கம் காரணமாக இந்த ஆண்டு மாங்கனித் திருவிழா நடைபெறுமா என்ற குழப்பம் நீடித்து வந்த நிலையில் புதுச்சேரி அரசு அதற்கு அனுமதி அளித்ததையடுத்து காரைக்கால் அம்மையாரின் மாங்கனித் திருவிழா நேற்று (ஜுலை 1) மாலை மாப்பிள்ளை அழைப்பு நிகழ்ச்சியுடன் தொடங்கியது.
மாங்கனித் திருவிழாவின் முக்கிய நிகழ்ச்சியான காரைக்கால் அம்மையாரின் திருக்கல்யாண வைபவம் இன்று காலை நடைபெற்றது. மேள, தாள வாத்தியங்கள் முழங்க திருமாங்கல்யம் நாண் ஏற்றும் நிகழ்ச்சி நடைபெற்றது.
காரைக்கால் அம்மையார் திருக்கல்யாண வைபவம்