புதுச்சேரியில், குடியுரிமை மசோதாவுக்கு எதிராக ஆர்ப்பாட்டம்.!

புதுச்சேரி: குடியுரிமை திருத்த மசோதாவுக்கு எதிராக ஆர்ப்பாட்டத்தில் ஈடுபட்டு, அதன் நகலை எரிக்க முயன்றவர்களைக் காவலர்கள் கைது செய்தனர்.

பாஜக அரசு கொண்டுவந்துள்ள குடியுரிமை திருத்த மசோதாவுக்கு தேசிய அளவில் கடும் எதிர்ப்புகள் கிளம்பியுள்ளது. இந்த மசோதாவுக்கு எதிர்ப்பு தெரிவித்து புதுச்சேரி ராஜா திரையரங்கம் முன்பு திராவிடர் கழகம், தமிழக வாழ்வுரிமை கட்சி உள்ளிட்ட அரசியல் கட்சியினர் இன்று காலை (டிச.14) கண்டன ஆர்ப்பாட்டம் நடத்தினர்.

ஆர்ப்பாட்டத்தில் கலந்து கொண்டவர்கள் மத்திய அரசுக்கு எதிராக கோஷங்களை எழுப்பினர். தொடர்ந்து பிரதமர் நரேந்திர மோடியின் உருவபொம்மை மற்றும் குடியுரிமை திருத்த மசோதா நகலை தீயிட்டு எரிக்க முயன்றனர். இதையடுத்து ஆர்ப்பாட்டத்தில் ஈடுபட்ட 115 பேரையும் காவலர்கள் கைது செய்தனர். இதனால் அப்பகுதியில் பதற்றம் நிலவியது.

இதையும் படிங்க: புதுவையில் குடியுரிமைச் சட்டம் இல்லை - முதலமைச்சர் நாராயணசாமி திட்டவட்டம்