உத்திரப் பிரதேசம் மாநிலம் ஜலான் மாவட்டத்தைச் சேர்ந்த அசோக் - அஞ்சு தேவி தம்பதியினர், நொய்டாவில் கட்டுமானத் தளத்தில் தினக்கூலியாகப் பணிபுரிந்து வந்தனர். கரோனா காரணமாக நாடு முழுவதும் 21 நாள்கள் 144 தடை உத்தரவு பிறப்பிக்கப்பட்டதால், கட்டுமானப் பணிகள் நிறுத்தப்பட்டன.
அதனால் நிலுவைத் தொகையைக் கட்ட கூலிவேலை செய்துவந்த தம்பதிகளுக்கு பணம், உணவுப்பற்றாக்குறை ஏற்பட்டது. அதன் காரணமாக அவர்கள் தங்களின் சொந்த ஊரான ஜலான் மாவட்டம் அன்டா கிராமத்திற்குச் செல்ல முடிவெடுத்தனர். அதையடுத்து அவர்கள் மார்ச் 27ஆம் தேதி காலை கிளம்பி 200 கிலோ மீட்டர் தூரம் நடந்து 28ஆம் தேதி இரவு தங்களது சொந்த கிராமத்தை அடைந்தனர்.