'மணலை குறைந்த விலையில் விற்பதற்கு நடவடிக்கை எடுக்க வேண்டும்'

புதுச்சேரி: மலேசியாவிலிருந்து இறக்குமதி செய்யப்பட்ட மணலை குறைந்த விலையில் விற்பதற்கு மாவட்ட நிர்வாகம் நடவடிக்கை எடுக்க வேண்டும் என சட்டப்பேரவை மதிப்பீட்டுக் குழு வலியுறுத்தியுள்ளது.

புதுச்சேரி மாநிலம், காரைக்காலிலுள்ள மார்க் தனியார் துறைமுகத்தைசட்டப்பேரவை உறுப்பினர் அன்பழகன் தலைமையிலானபுதுச்சேரி சட்டப்பேரவை மதிப்பீட்டுக் குழு இன்று ஆய்வு மேற்கொண்டது. துறைமுகத்தின் மாசு கட்டுப்பாடு, உள்ளூர் இளைஞர்களுக்கான வேலைவாய்ப்பு உள்ளிட்ட பல அம்சங்களை இந்தக் குழு ஆய்வு செய்தது.

அப்போது செய்தியாளர்களைச் சந்தித்த மதிப்பீட்டுக் குழுத் தலைவரும் சட்டப்பேரவை உறுப்பினருமான அன்பழகன், "புதுச்சேரி மாநிலத்தில் நடைபெறும் கட்டுமானப் பணிகளுக்கு மணல் தட்டுப்பாட்டைப் போக்க புதுச்சேரி அரசு மலேசியா நாட்டிலிருந்து 55 ஆயிரம் டன் மணல் இறக்குமதி செய்யப்பட்டது. இறக்குமதி செய்யப்பட்ட மணலை விற்பனை செய்ய நடவடிக்கை மேற்கொள்ளப்பட்டது.

ஆனால், மணலின் விலை அதிகமாக இருப்பதன் காரணமாக, விற்பனையாகாமல் துறைமுகத்திலையை தேங்கியுள்ளது. எனவே மணலை குறைந்த விலைக்கு விற்பனை செய்வதற்கான நடவடிக்கைகளை மாவட்ட நிர்வாகம் மேற்கொள்ள வேண்டும்.இதன்மூலம் மணல் தட்டுப்பாடு வெகுவாக குறையும்" என்றார்.

இதையும் படிங்க: ‘என் சகோதரர்களை எஸ்ஐ வில்சன் கொலை வழக்கில் சேர்க்க போலீசார் முயற்சிக்கின்றனர்’