செய்தித்தாள்களில் துண்டு பிரசுரங்களை வைத்து விநியோகிக்கத் தடை!

புதுச்சேரி: செய்தித்தாள்களில் துண்டு பிரசுரங்களை வைத்து விநியோகிப்பதால் கோவிட்-19 தொற்றுப் பரவ வாய்ப்புள்ளதாக கூறி புதுச்சேரி அரசு அதற்கு தடை விதித்துள்ளது.

துண்டு பிரசுரங்களை செய்தித்தாள்களில் வைத்து விநியோகிப்பதற்கு புதுச்சேரி அரசு தடைவிதித்துள்ளது. இதன் மூலம் கோவிட்-19 தொற்று பரவ வாய்ப்புள்ளதாக கூறி இந்த தடையை அம்மாநில அரசு விதித்துள்ளது.

இதுகுறித்துப் பேசிய புதுச்சேரி மாவட்ட ஆட்சியர் அருண், பேரிடர் மேலாண்மை சட்டம் 2005, தொற்றுநோய் சட்டம் 1897-ன் படி விதிக்கப்பட்டுள்ள இந்த தடையானது கோவிட்- 19 பரவலைக் கட்டுப்படுத்த அமல்படுத்தப்பட்டுள்ளது.

செய்தித்தாள்களில் துண்டுப் பிரசுரங்களை வைத்து செய்தித் தாள் விநியோகிப்பதை விற்பனையாளர்களும், விநியோகஸ்தர்களும் நிறுத்த வேண்டும். மேலும், இந்தத் தடையை மீறுபவர்கள் மீது கடும் நடவடிக்கை எடுக்கப்படும் எனவும் தெரிவித்தார்.

இதையும் படிங்க:கிரண்பேடியால் ஏனாம் பிராந்தியத்தில் சுகாதாரக்கேடு: அமைச்சர் குற்றச்சாட்டு