புதுவை பல்கலைக்கழக நுழைவுத்தேர்வு - ஆன்லைன் பதிவு தொடக்கம்!

புதுவை : பல்கலைக்கழகத்தில் 2020-21ஆம் கல்வி ஆண்டுக்கான படிப்புகளில் சேர்ந்து படிப்பதற்கு நடத்தப்படும் நுழைவுத்தேர்வில் பங்கேற்க ஆன்லைன் பதிவு தொடங்கியது.

புதுவை மத்திய பல்கலைக்கழகத்தில் ஒருங்கிணைந்த ஐந்தாண்டு படிப்பு, முதுநிலைப் படிப்பு, பிஹெச்.டி, முதுநிலை பட்டயப் படிப்பு உள்ளிட்ட பாடப்பிரிவுகள் பயிற்றுவிக்கப்படுகின்றன. இங்கு நாடு முழுவதிலும் இருந்தும் ஆயிரக்கணக்கான மாணவ, மாணவியர்கள் பயின்று வருகின்றனர்.

இந்நிலையில் இந்தப் பல்கலைக்கழகத்தின் 2020- 21ஆம் கல்வி ஆண்டுக்கான படிப்புகளில் சேர்ந்து படிப்பதற்கு நடத்தப்படும் நுழைவுத்தேர்வில் பங்கேற்க, ஆன்லைன் பதிவு நேற்று(ஜூலை 8) தொடங்கியது. பதிவு செய்வதற்கு வரும் 31ஆம் தேதி கடைசி நாளாகும்.

அடுத்த மாதம் ஆகஸ்ட் 21, 22, 23 ஆகிய தேதிகளில்; நுழைவுத்தேர்வு நடைபெறுகிறது. நாடு முழுவதும் பல்வேறு மையங்களில் தேர்வு நடத்தப்பட உள்ளது.

மேலும்,முதுநிலை படிப்புக்கு பட்டியலின சமூகத்தினருக்கு ரூபாய் 300, மற்றவர்களுக்கு ரூபாய் 600 எனவும்; பிஹெச்.டி படிப்புக்கு பட்டியலின சமூகத்தினருக்கு ரூபாய் 500, மற்றவர்களுக்கு ரூபாய் 1000 எனவும், எம்பிஏ படிப்புக்கு பட்டியலின சமூகத்தினருக்கு ரூபாய் 500, மற்றவருக்கு ரூபாய் 1000 எனவும் விண்ணப்பக் கட்டணம் அறிவிக்கப்பட்டுள்ளது.