Tamil Nadu Latest News: பாமக நிறுவனர் ராமதாஸ் மற்றும் அவரது மகனும் எம்.பி.-யுமான அன்புமணி ராமதாஸ் ஆகியோர் டெல்லி சென்றுள்ளனர். இந்த பயணத்திற்கிடையே டெல்லியில் பிரதமர் நரேந்திர மோடியை அவரது இல்லத்தில் இன்று மரியாதை நிமித்தமாக இருவரும் சந்தித்துப் பேசினர்.
இந்தச் சந்திப்பின் போது ராஜீவ் கொலை வழக்கில் சிறையில் உள்ள ஏழு தமிழர் விடுதலை, காவிரி-கோதாவரி இணைப்பு, காவிரி பாசன மாவட்டங்களைப் பாதுகாக்கப்பட்ட வேளாண் மண்டலமாக அறிவித்தல் உள்ளிட்ட கோரிக்கைகளை பிரதமரிடம் வலியுறுத்தியுள்ளனர்.