குஜராத் மாநிலத்தில் மூன்று முக்கிய நலத் திட்டங்களை பிரதமர் நரேந்திர மோடி இன்று (அக்.24) தொடக்கி வைத்தார். அம்மாநில விவசாயிகளின் பாசனத்திற்கு பகல் நேரத்தில் மின்விநியோகம் வழங்கும் கிசான் சூர்யோதயா திட்டத்தை தொடக்கி வைத்தார். இந்தத் திட்டத்தின் கீழ், அம்மாநில விவசாயிகள் காலை 5 மணி முதல் இரவு 9 மணி வரை தடையில்லா மின்சாரம் பெறுவார்கள். இந்தத் திட்டத்தின் மதிப்பு சுமார் 3 ஆயிரத்து 500 கோடியாகும்.
அடுத்ததாக, நாட்டிலேயே மிகப்பெரிய இருதய சிகிச்சை மருத்துவமனை மற்றும் ஆராய்ச்சி மையத்தை அகமதாபாத் நகரில் தொடக்கி வைத்தார். அப்போது பேசிய பிரதமர் மோடி, உலகத் தரம் வாய்ந்த மருத்துவமனையாக இது திகழும் என பெருமிதம் கூறினார்.