பொது வாழ்க்கையில் பிரதமர் மோடியின் பயணம் 2001ஆம் ஆண்டு அக்டோபர் 7 ஆம் தேதி குஜராத் முதலமைச்சராக தொடங்கியது. இதைத்தொடர்ந்து, 2002, 2007, 2012 ஆகிய ஆண்டுகளில் நடைபெற்ற சட்டப்பேரவைத் தேர்தலில் வெற்றி பெற்று முதலமைச்சராகப் பதவி வகித்து வந்தார்.
இப்படி இருக்கையில், குஜராத் முதலமைச்சராகப் பதவி வகித்து வந்தபோது 2014ஆம் ஆண்டு நடைபெற்ற மக்களவைத் தேர்தலில் போட்டியிட்டார். மாநிலத்திற்கு உள்ளேயும் வெளியேயும் இவர் மக்களிடையே பிரபலமடைந்து வந்ததால், 2013ஆம் ஆண்டு பாஜக இவரைப் பிரதமர் வேட்பாளராக அறிவித்தது.
மோடி, காங்கிரஸ் தலைமையிலான கூட்டணியை வீழ்த்தி பிரதமர் ஆனார். பின்னர், 2019ஆம் ஆண்டு நடைபெற்ற மக்களவைத் தேர்தலில் மீண்டும் வெற்றிபெற்று பிரதமராக பதவி ஏற்றார். பிரதமரின் அதிகாரப்பூர்வ இணையதளத்தில் மோடியின் சாதனைகள் குறித்த செய்தி அறிக்கை வெளியிடப்பட்டுள்ளது.