கோவிட்-19க்கு எதிரான போரில் களத்தில் நிற்கும் செவிலியர்களுக்கு பிரதமர் பாராட்டு!

டெல்லி : கோவிட்-19க்கு எதிரான உலகளாவிய போரில் முன்னணி வீரர்களாக பங்கு வகித்துவரும் செவிலியர்களின் சிறந்த பணிக்கு நாடே நன்றிக்கடன்பட்டுள்ளது என்று பிரதமர் நரேந்திர மோடி தெரிவித்துள்ளார்.

நவீன செவிலியர் பணியின் நிறுவனர் என்று கருதப்படும் புளோரன்ஸ் நைட்டிங்கேலின் பிறந்த நாளான இன்று உலக சுகாதார நிறுவனம் சர்வதேச செவிலியர் கொண்டாடப்பட்டு வருகிறது. இந்த ஆண்டு அவரது 200ஆவது பிறந்த நாளைக் குறிக்கிறது.

இதனை முன்னிட்டு, பிரதமர் நரேந்திர மோடி தனது அதிகாரப்பூர்வ ட்விட்டர் பக்கத்தில், “நமது பூமியை ஆரோக்கியமாக வைத்திருக்க கடிகாரத்தைப் போல சுற்றிச்சுழன்று பணியாற்றி, தனித்துவமான தொண்டு செய்யும் செவிலியர்களுக்கு நன்றி தெரிவிக்க சர்வதேச செவிலியர் தினம் கொண்டாடப்பட்டு வருகிறது.

தற்போது, கரோனா வைரசுக்கு (தீநுண்மி) எதிரான உலகளாவிய போரில் நமது தாய் நாட்டு மக்களை காப்பதற்காக பெரும் பணிகளை மேற்கொண்டு வருகின்ற செவிலியர்களுக்கும், அவர்களது குடும்பங்களுக்கும் நாம் அனைவரும் மிகவும் நன்றிக்கடன்பட்டவர்களாக இருக்கிறோம்.

கோவிட்-19க்கு எதிரான போரில் களத்தில் நிற்கும் செவிலியர்களுக்கு பிரதமர் பாராட்டு!

பெருந்தொண்டுக்கு பெயர்பெற்ற செவிலியர் புளோரன்ஸ் நைட்டிங்கேலால் ஈர்க்கப்பட்டு, கடின உழைப்பாளிகளாக இரக்கத்தை ஊழியம் செய்யும் செவிலியர்களுக்கு, அவர்களது நலனுக்காக தொடர்ந்து பணியாற்ற உறுதி ஏற்போம். மேலும் இந்த துறையில் உள்ள வாய்ப்புகளுக்கு அதிக கவனம் செலுத்துவோம்.

கரோனா தீநுண்மியின் பரவலைத் தடுக்க, மக்களைப் பாதுகாக்க பல்வேறு வழிகளில் பணியாற்றும் செவிலியர்கள் அனைவருக்கும் நான் மரியாதை செலுத்துகிறேன். சிறந்த நாட்டை உருவாக்க தொழில்நுட்பத்தைப் பயன்படுத்துவோம்” எனத் தெரிவித்தார்.

இதையும் படிங்க :வேகமாகப் பரவும் கரோனா: ம.பி.யில் பாதிப்பு 3,785