புதுச்சேரி சண்முகாபுரம் பகுதியைச் சேர்ந்தவர் பூபதி. இவர் கடந்த ஒரு வருடத்திற்கு முன்பு ஆலங்குப்பம் பகுதியில் உள்ள ஒரு தனியார் பெட்ரோல் பங்கில் பணி புரிந்துவந்தார்.
இந்நிலையில் கடந்த 2019ஆம் ஆண்டு ஜெயபால் என்பவரின் கொலை வழக்கில் தொடர்பு இருந்ததால், இவர் சிறை சென்றார். அதற்கு பின்னர் இவர் பெட்ரோல் பங்க் பணியிலிருந்து நீக்கப்பட்டார்.
முன்விரோதம் காரணமாக பெட்ரோல் பங்க் சூறையாடல்
பின்னர் திண்டிவனத்தில் குடிபெயர்ந்த பூபதி, சம்பவத்தன்று புதுச்சேரி ஆலங்குப்பத்தில் தான் பணிபுரிந்த பெட்ரோல் பங்கில் தன்னுடன் பணிபுரிந்த நண்பர்கள் ஏசுராஜா, சரவணன், செல்வகுமார் ஆகியோரை சந்திப்பதற்காக வந்துள்ளார். அப்போது பூபதி பெட்ரோல் பங்கிற்கு வந்துள்ள தகவல், ஜெயபால் ஆதரவாளர்களுக்கு தெரியவந்தது.