அதிகரிக்கும் கரோனா பாதிப்பு எண்ணிக்கை - முடங்கிய கொல்கத்தா!

கொல்கத்தா: கரோனா தொற்றால் பாதிக்கப்பட்டவர்களின் எண்ணிக்கையில் 90 விழுக்காடு கொல்கத்தா, ஹவுரா போன்ற இரண்டு பகுதிகளில் மட்டுமே பதிவாகியுள்ளது.

மேற்குவங்கத்தில் கரோனா வைரஸ் பரவலைத் தடுக்கும் முயற்சியாக வடக்கு கொல்கத்தா, மத்திய கொல்கத்தா உள்ளிட்ட பல பகுதிகளில் சீல் வைக்கப்பட்டுள்ளன. கொல்கத்தாவில் கரோனா தொற்றால் பாதிக்கப்பட்டவர்களின் எண்ணிக்கை அதிகரித்துள்ளதால் இந்த நடவடிக்கை எடுக்கப்பட்டுள்ளது.

இதேபோல் தெற்கு கொல்கத்தாவின் சில பகுதிகளுக்கும் சீல் வைக்கப்பட்டுள்ளது. சாலைகளை அடைத்து சீல் வைக்கப்பட்டுள்ளதால் அத்தியாவசிய தேவைக்குக்கூட மக்கள் வெளியில் வரமுடியவில்லை. தடை செய்யப்பட்ட பகுதிகளிலிருந்து மக்கள் வெளியே வரவும், சீல் வைக்கப்பட்ட பகுதிகளில் வெளியாள்கள் உள்ளே நுழையவும் தடை விதிக்கப்பட்டுள்ளது.

மக்களின் நடமாட்டத்தைக் கட்டுப்படுத்த அதிகப்படியான காவல் துறையினர் குவிக்கப்பட்டுள்ளனர். இதனால் மாநகராட்சி சார்பில் வீடுகளுக்கே சென்று கரோனா அறிகுறிகளை பரிசோதனை செய்துவருகின்றனர்.

மாநிலத்தில் கரோனா தொற்றால் பாதிக்கப்பட்டவர்களின் எண்ணிக்கையில் 90 விழுக்காடு கொல்கத்தா, ஹவுரா போன்ற இரண்டு பகுதிகளில் மட்டுமே பதிவாகியுள்ளது. இதன் காரணமாக மத்திய அரசு இந்த இடங்களையும் சிவப்பு மண்டலம் (Red Zones) என அறிவித்துள்ளது.

மேற்குவங்கத்தில் 287 பேர் இதுவரை கரோனா தொற்றால் பாதிகப்பட்டுள்ளனர். 55 பேர் குணமடைந்துள்ளனர். 10 பேர் உயிரிழந்துள்ளனர்.

இதையும் படிங்க:3 நாள்கள்... 2700 கிமீ... மகனைச் சந்திக்க 6 மாநில எல்லைகளைக் கடந்த தாய்...!