''காலமெல்லாம் கைம்பெண்ணாக வாழமுடியாது'' - விவாகரத்து கேட்ட நிர்பயா குற்றவாளியின் மனைவி!

நிர்பயா வழக்கில் தூக்குத் தண்டனை விதிக்கப்பட்ட குற்றவாளி அக்‌ஷய் சிங் தாகூரின் மனைவி புனிதா தேவி விவாகரத்து கேட்டு மனுதாக்கல் செய்துள்ளார்.

நிர்பயா வழக்கில் அக்‌ஷய் சிங் தாகூர், முகேஷ் சிங், பவன் குப்தா, வினய் ஷர்மா ஆகியோருக்கு தூக்குத் தண்டனை விதிக்கப்பட்டது. இவர்கள் அனைவருக்கும் நாளை தூக்குத் தண்டனை நிறைவேற்றப்படவுள்ளது.

இதனிடையே, அக்‌ஷய் சிங் தாகூரின் மனைவி புனிதா தேவி பீகார் மாநிலம் அவுரங்காபாத் நீதிமன்றத்தில், ''நான் வாழ்நாள் முழுவதும் கைம்பெண்ணாக வாழ விருப்பமில்லை. அதனால் எனக்கு விவாகரத்து வழங்கவேண்டும்'' என மனுதாக்கல் செய்துள்ளார். மார்ச் 12ஆம் தேதி தாக்கல் செய்யப்பட்ட இந்த மனு, இன்று விசாரணைக்கு வருகிறது.

நாளை தூக்குத் தண்டனை நிறைவேற்றப்படவுள்ள நிலையில், அக்‌ஷய் சிங் மனைவி விவாகரத்து மனுதாக்கல் செய்தது பரபரப்பை ஏற்படுத்தியுள்ளது.

புனிதா தேவி - அக்‌ஷய் சிங் தாகூர் ஆகியோருக்கு 2010ஆம் ஆண்டு திருமணம் நடந்து, தற்போது 9 வயதில் ஒரு மகன் இருப்பது குறிப்பிடத்தக்கது.

இதையும் படிங்க:தூக்கு மேடையில் மாதிரியை வைத்து தூக்கிலேற்றி சோதனை செய்த பவன் ஜலாத்!