சமூக வலைத்தளங்களில் முக்கிய பங்காற்றிடும் ட்விட்டரை அரசியல் தலைவர்கள் முதல் பிரபலங்கள் வரை உலக அளவில் பலரும் பயன்படுத்தி வருகின்றனர். முக்கியத் தகவல்களை பரிமாற்றும் தளமாக ட்விட்டர் செயல்பட்டு வருகிறது. இதில் பதிவிடப்படும் குறுஞ்செய்திகள் சில ஊடகங்களில் தலைப்புச் செய்தியாக மாறுகிறது.
இந்நிலையில் இன்று காலை முதல் ட்விட்டரின் சமூக வலைத்தள பக்கமும், மேலாண்மை தளங்களுமான டிவீட் டெக் போன்றவையும் இயங்கவில்லை. குறிப்பாக பகிரும் வசதி போன்ற முக்கியப் பயன்பாடுகள் ரத்து செய்யப்பட்டுள்ளன. இதனால் ட்விட்டர் பயனாளர்கள் மிகுந்த சிரமங்களைச் சந்தித்து வருகின்றனர். மேலும், பாதிப்பு குறித்து ட்விட்டருக்கு தகவல் அனுப்பி வருகின்றனர்.