உச்சம் அடையும் இந்தியா நேபாள எல்லை பிரச்னை

காத்மண்டு: இந்திய பகுதிகளை உள்ளடக்கி நேபாளம் வெளியிட்டுள்ள புதிய வரைபடத்திற்கு ஒப்புதல் அளிக்கும் சட்ட திருத்த மசோதா அந்நாட்டின் நாடாளுமன்றத்தில் தாக்கல் செய்யப்பட்டுள்ளது.

நேபாளத்தில் புதிதாக ஒப்புதல் அளிக்கப்பட்டுள்ள அரசியலமைப்பு திருத்த மசோதா தொடர்பான திருத்தங்களை பரிந்துரைக்க அந்நாட்டின் நாடாளுமன்ற உறுப்பினர்களுக்கு மூன்று நாள்கள் அவகாசம் அளிக்கப்பட்டுள்ளது. கலபானி, லிபுலேக் மற்றும் லிம்பியாதுரா ஆகிய இந்திய பகுதிகளை உள்ளடக்கிய புதிய நேபாள நாட்டின் வரைபடத்திற்கு ஒப்புதல் அளிக்கும் வகையில் இந்த சட்டத்திருத்தம் அமல்படுத்தப்பட்டுள்ளது.

நேபாள நாடாளுமன்ற விவகாரத்துறை அமைச்சர் சிவமயா தும்பஹாங்பே நாட்டின் வரைபடத்தை புதுப்பிக்க வழி செய்யும் வகையில் அரசியலமைப்பு திருத்த மசோதாவை மே 30ஆம் தேதி தாக்கல் செய்தார்.

முன்னதாக மே 28ஆம் தேதி, நேபாளத்துடனான எல்லை தொடர்பாக ஏற்பட்டுள்ள பிரச்னையை பேச்சுவார்த்தை மூலம் சரி செய்ய முடியும் என்று நம்புவதாக இந்திய தெரிவித்திருந்தது.

திபெத் மற்றும் சீனாவை இமயமலை உள்ள லிப்பு லெக் பகுதி மூலம் இணைக்கும் 80 கி.மீ நீளம் கொண்ட ஒரு இணைப்பு சாலையை பாதுகாப்புத் துறை அமைச்சர் ராஜ்நாத் சிங் தொடங்கி வைத்தார் அப்போதிலிருந்தே இந்தியாவுக்கும் நேபாளத்துக்கு இடையேயான எல்லை பிரச்சினை தொடங்கியது குறிப்பிடத்தக்கது.