மாமல்லபுரத்தில் கையில் வைத்திருந்த பொருள் இது தான் - விளக்கிய மோடி!

மாமல்லபுரத்துக்கு வந்தபோது தான் கையில் வைத்திருந்த பொருள் என்ன என்பதைப் பிரதமர் நரேந்திர மோடி விளக்கியுள்ளார்.

பிரதமர் நரேந்திர மோடி, சீன அதிபர் ஜி ஜின்பிங் ஆகியோர் மாமல்லபுரத்தில் கடந்த இரண்டு நாட்கள் சந்தித்துப் பேசினர். இந்த சந்திப்பிற்காக மாமல்லபுரத்தில் தங்கியிருந்த பிரதமர் நரேந்திர மோடி நேற்று காலை மாமல்லபுரம் கடற்கரையிலுள்ள குப்பைகளைச் சேகரித்தார்.

அவர் குப்பைகளைச் சேகரிக்கும்போது எடுக்கப்பட்ட பல புகைப்படங்களும் இணைதயளத்தில் வெளியிடப்பட்டன. அதில் பல புகைப்படங்களில் மோடி தனது கையில் ஒரு பொருளை வைத்திருந்தார். அது என்ன பொருள் என்று தெரியாமல் நெட்டிசன்கள் பலரும் பல கருத்துகளைப் பதிவிட்டு வந்தனர்.

இதுகுறித்து விளக்கும் வகையில் மோடி தனது ட்விட்டர் பக்கத்தில் மேலும் சில புகைப்படங்களைப் பதிவிட்டுள்ளார். அதில்,"நேற்றிலிருந்து பலரும் கேட்பது மாமல்லபுரம் கடற்கரையில் நான் குப்பைகளைச் சேகரிக்கும்போது கையில் வைத்திருந்த பொருள் பற்றித்தான். அது நான் எப்போதும் பயன்படுத்தும் அக்குபிரஷர் ரோலர். எனக்கு அது மிகவும் உபயோகமாக உள்ளது" என்று தனது ட்விட்டர் பக்கத்தில் பதிவிட்டுள்ளார்.

இதையும் படிக்கலாமே: தமிழ்நாட்டு மக்களுடன் இருப்பது மகிழ்ச்சி - நரேந்திர மோடி ட்வீட்