பிரதமர் மோடி ட்வீட்!

மாமல்லபுரத்தில் நடைபெற்ற நடன நிகழ்ச்சிகளைப் பதிவிட்டு பிரதமர் அலுவலகத்திலிருந்து ட்வீட் செய்யப்பட்டுள்ளது.

சீன அதிபர் ஜி ஜின்பிங்கும், பிரதமர் நரேந்திர மோடியும் இன்று மாலை மாமல்லபுரத்தில் சந்தித்தனர். மாமல்லபுரத்திலுள்ள புராதன இடங்களைப் பிரதமர் நரேந்திர மோடியும் சீன அதிபர் ஜி ஜின்பிங்கும் பார்வையிட்டனர்.

பின்னர் அங்குள்ள கடற்கரை கோயில் வளாகத்தில் நடைபெற்ற நடன நிகழ்ச்சிகளை இருவரும் பார்த்து ரசித்தனர். இதுகுறித்து, பிரதமர் அலுவலகத்திலிருந்து தற்போது ட்வீட் செய்யப்பட்டுள்ளது.

மாமல்லபுரத்தில் நடைபெற்ற நடன நிகழ்ச்சிகளைத் தனது ட்விட்டர் பக்கத்தில் பகிர்ந்துள்ளது இந்திய பிரதமர் அலுவலகம். மேலும் அதில் "சீன அதிபர் ஜி ஜின்பிங்க்கிற்கு வணக்கம் சொல்கிறது இந்தியா" என்று ட்வீட் செய்யப்பட்டுள்ளது.