துணை குடியரசு தலைவரை சந்தித்த பிரதமர் மோடி

டெல்லி : துணை குடியரசு தலைவர் வெங்கையா நாயுடுவை மரியாதை நிமித்தமாக பிரதமர் மோடி இன்று அவரது இல்லத்தில் சந்தித்து பேசினார்.

17ஆவது மக்களவைத் தேர்தலில் 300க்கும் அதிகமான இடங்களை கைப்பற்றி தனிபெரும்பான்மையுடன் மீண்டும் பாஜக ஆட்சி அமைக்கவுள்ளது. இந்நிலையில் பிரதமர் ஆட்சி அமைக்க வருமாறு குடியரசு தலைவர் ராம்நாத் கோவிந்த் அழைப்பு விடுத்துள்ளார்.

இந்நிலையில், டெல்லியில் உள்ள துணை குடியரசு தலைவர் இல்லத்திற்கு பிரதமர் மோடி இன்று காலை சென்றார். மோடியை துணை குடியரசு தலைவர் வெங்கையா நாயுடு மற்றும் அவரது மனைவி பூங்கொத்து கொடுத்து வரவேற்றனர்.

குடும்பத்தினருடன் காலை உணவு உண்ணும்மோடி

காலை உணவுடன் ஆரம்பித்த இந்த சந்திப்பு வலுவான அரசை கட்டமைப்பது குறித்தும், அமைதி மற்றும் வளர்ச்சி மேம்பாடு குறித்தும் பேசியதாக துணை குடியரசு தலைவர் வெங்கையா நாயுடு தனது ட்விட்டர் பக்கத்தில் தெரிவித்துள்ளார்.

மோடி- துணை குடியரசு தலைவர்