நாடு முழுவதும் போக்குவரத்து விதிமீறல்களை கட்டுக்குள் கொண்டுவர, புதிய மோட்டார் வாகன சட்டம் கடந்த 1ஆம் தேதி அமலுக்கு வந்தது. அபாராதத் தொகை பன்மடங்காக உயர்த்தப்பட்டு விதிமீறல்களுக்கு அபராதம் விதிக்கப்பட்டு வருகிறது.
இந்நிலையில், புவனேஸ்வரில் உள்ள பாபுஜி நகர் 'நோ பர்க்கிங்' பகுதியில் ஆளுங்கட்சியான பிஜூ ஜனதா தள கட்சியின் எம்எல்ஏவான அனந்த நாராயண் ஜேனாவின் கார் நிறுத்தப்பட்டிருந்தது.
அங்கு வந்த புவனேஸ்வர் காவல்துறையினர், எம்எல்ஏ என்றும் பாராமல் போக்குவரத்து விதியை மீறிய குற்றத்திற்காக அவருக்கு 500ரூபாய் அபராதம் விதித்து ரசீது வழங்கினர்.
இதுப்பற்றி, எம்எல்ஏ ஜேனா கூறுகையில், எனது கார் ஓட்டுநர் வாகனத்தை விதிகளை மீறி சாலையில் நிறுத்தியதால் தான் அபராதம் விதிக்கப்பட்டது. சட்டம் அனைவருக்கும் சமம், "நாங்களும் போக்குவரத்து விதிமுறைகளை பின்பற்ற வேண்டும்" என கூறினார்.
