இஸ்ரேல் தூதரக குண்டுவெடிப்பு வழக்கு என்ஐஏக்கு மாற்றம் - மத்திய உள்துறை அமைச்சகம் அதிரடி!

டெல்லி: இஸ்ரேல் தூதரக குண்டுவெடிப்பு வழக்கை தேசிய புலனாய்வு முகமைக்கு மத்திய உள்துறை அமைச்சகம் மாற்றியுள்ளது.

மத்திய டெல்லியில் இஸ்ரேல் தூதரகம் அருகே சிறிய அளவிலான குண்டு வெடிப்பு ஜனவரி 29ஆம் தேதி நிகழ்ந்தது. குடியரசு தின அணிவகுப்பில் கலந்து கொண்ட ராணுவ வீரர்கள் பாசறைக்கு திரும்பும் நிகழ்வு நடைபெற்ற பகுதிக்கு அருகே இந்த குண்டுவெடிப்பு நிகழ்ந்தது.

வீரர்கள் பாசறைக்கு திரும்பும் நிகழ்வை முன்னிட்டு குடியரசு தலைவர் ராம்நாத் கோவிந்த், பிரதமர் மோடி, அரசின் மூத்த அலுவலர்கள் ஆகியோர் விஜய் சவுக்குக்கு வந்திருந்தனர். அங்கிருந்து 1.4 கிமீ தொலைவில் ஐஇடி குண்டு வெடித்தது. நல்வாய்ப்பாக, எந்தவித உயிர் சேதம், பொருள் சேதமும் ஏற்படவில்லை.

இந்நிலையில், குண்டுவெடிப்பு தொடர்பான விசாரணையை தேசிய புலனாய்வு முகமைக்கு மத்திய உள்துறை அமைச்சகம் மாற்றியுள்ளது. இதனைத் தொடர்ந்து, அனைத்து ஆதாரங்களையும் ஆவணங்களையும் என்ஐஏ அலுவலர்களுக்கு டெல்லி காவல் சிறப்பு பிரிவு ஒப்படைக்கவுள்ளது.

ஆய்வு

குண்டுவெடிப்பு குறித்து வழக்கு பதிவு செய்து விசாரணை மேற்கொள்ளவுள்ளது. முன்னதாக, குண்டுவெடிப்பு நிகழ்ந்த இடத்திற்கு சென்று என்ஐஏ அலுவலர்கள் ஆய்வு மேற்கொண்டனர்.

குண்டுவெடிப்பு பகுதி