இரண்டு நாள் அரசு முறைப் பயணமாக அமெரிக்க அதிபர் ட்ரம்ப்பும், அந்நாட்டு முதல் பெண்மணி மெலனியா ட்ரம்ப்பும் இந்தியா வந்துள்ளனர். அவர்கள் நிகழ்ச்சியின் ஒரு அங்கமாக, மன அழுத்தத்தைக் குறைக்கும் நோக்கில் நடத்தப்படும் வகுப்பில், மெலனியா ட்ரம்ப் பங்கேற்கவுள்ளார்.
இதையடுத்து, மாணவர்களுடன் அவர் கலந்துரையாடலில் ஈடுபடவுள்ளார். இதற்காக, பாதுகாப்புப் படைகளின் உத்தரவின் பேரில் பள்ளிக்குச் செல்லும் பாதையிலிருக்கும் மரங்கள் வெட்டப்பட்டு வருகிறது.
இந்த நிகழ்ச்சியில் கலந்து கொள்வதற்காக மெலனியா தெற்கு டெல்லிக்கு இன்று நண்பகல் செல்லவுள்ளார். இதில், டெல்லி முதலமைச்சர் அரவிந்த் கெஜ்ரிவால், அம்மாநில துணை முதலமைச்சர் மணிஷ் சிசோடியா ஆகியோர் பங்கேற்பதாக இருந்தது.