'அதைச் செய்தவுடன்' மவுலானா சாத்திடம் விசாரணை! - டெல்லி குற்றப்பிரிவு

டெல்லி: மருத்துவ அறிக்கையைத் தாக்கல்செய்தவுடன் டெல்லி சமய மாநாட்டை ஒருங்கிணைத்த மவுலானா சாத் விசாரணைக்கு அழைக்கப்படுவார் என டெல்லி காவல் துறையின் குற்றப்பிரிவு தெரிவித்துள்ளது.

இது குறித்து, டெல்லி காவல் துறையின் குற்றப்பிரிவு தெரிவிக்கையில், "டெல்லி சமய மாநாட்டை ஒருங்கிணைத்த மவுலானா சாத் இதுவரை அரசால் அங்கீகரிக்கப்பட்ட ஆய்வகத்தின் மூலம் கோவிட்-19 அறிக்கையைத் தாக்கல் செய்யவில்லை.

அவர் மருத்துவ அறிக்கையைத் தாக்கல்செய்தபின் விசாரணைக்கு அழைக்கப்படுவார்" எனக் கூறியுள்ளது.

டெல்லி சமய மாநாட்டில் கலந்துகொண்டவர்கள் மூலம்தான் நாட்டில் கரோனா பாதிப்பு வேகமாகப் பரவியதென விமர்சனங்கள் இருந்துவருவது நோக்கத்தக்கது.

இதையும் படிங்க: சமய மாநாடு ஒருங்கிணைப்பாளர் மவுலானா சாத்திற்கு கரோனா சோதனைசெய்ய அறிவுறுத்தல்!