புனேவில் உள்ள நானா பெத் பகுதியில் வசித்துவந்த யேசுதாஸ் மோதி பிரான்சிஸ்(57) என்பவருக்கு கடந்த வியாழக்கிழமை நள்ளிரவு உடல்நிலை சரியில்லாமல் மூச்சுத்திணறல் ஏற்பட்டது. அதனால், உறவினர்கள் ஆம்புலன்ஸிற்கு தகவல் தெரிவித்துவிட்டு, அவரை வீட்டின் வெளியே நாற்காலியில் அமரவைத்தனர். மூன்றரை மணி நேரம் கடந்தும் ஆம்புலன்ஸ் வரவில்லை.
காத்திருந்த முதியவர்
அதையடுத்து உறவினர் ஒருவர் அருகில் உள்ள மருத்துவனைக்குச் சென்று அங்கிருந்த ஆம்புலன்ஸ் ஓட்டுநரை அழைத்துள்ளார். ஆனால் அவரும் வர மறுத்ததாகக் கூறப்படுகிறது. இந்த நிலையில் பிரான்சிஸை அவரது உறவினர்கள் டெம்போ ஒன்றை ஏற்பாடு செய்து மருத்துவமனைக்கு அழைத்துச் சென்றனர். அங்கு அவரை பரிசோதித்த மருத்துவர்கள் அவர் ஏற்கனவே இறந்துவிட்டதாக தெரிவித்தனர்.