'24 மணி நேரத்தில் மகாராஜாவுக்கு அவமானம்'- சிந்தியாவை வறுத்தெடுக்கும் காங்கிரஸ்

டெல்லி: காங்கிரஸிலிருந்து விலகி பாஜகவில் இணைந்த ஜோதிராதித்ய சிந்தியாவுக்கு 24 மணி நேரத்தில் அவமானம் கிடைத்துள்ளதாக காங்கிரஸ் சார்பில் தெரிவிக்கப்பட்டுள்ளது.

காங்கிரஸ் கட்சியிலிருந்து விலகி ஜோதிராதித்யா சிந்தியா பாஜகவில் இணைந்தார். இது குறித்து மத்தியப் பிரதேச காங்கிரஸ் அதிகாரப்பூர்வ ட்விட்டரில் ஜோதிராதித்ய சிந்தியாவை வரவேற்று பிரதமரோ அல்லது உள்துறை அமைச்சரோ ஒரு ட்வீட்கூட செய்யவில்லை என குறிப்பிடப்பட்டிருந்தது.

இது தொடர்பாக ட்விட்டரில், “மகாராஜாவுக்கு அவமானம். மோடி-ஷா நீங்கள் இவ்வளவு சீக்கிரம் இதனை செய்ய வேண்டாம். இன்னும் 24 மணி நேரம்கூட ஆகவில்லை. அதற்குள் நீங்கள் அவமானப்படுத்த ஆரம்பித்துவிட்டீர்கள்” என கூறியுள்ளது.

ஜோதிராதித்ய சிந்தியா காங்கிரஸில் இருந்து விலகியதால், அங்கு காங்கிரஸ் அரசாங்கம் சிக்கலை சந்தித்துள்ளது. குவாலியர் குடும்ப அரச வாரிசு சிந்தியா என்பதால், அதனை நினைவுப்படுத்தி காங்கிரஸ் ட்வீட் செய்துள்ளது.

இதையும் படிங்க:இன்னைக்கும் அதே தேதி: 'இருக்கு தரமான சம்பவம்' - ரஜினிக்கு ஆதரவாக ட்ரெண்டாகும் மீம்!