'பாட்டி ஒரு சூனியக்காரி' கோடரியால் தாக்கிக் கொன்ற பேரன்!

மும்பை: பால்கரில் பாட்டி சூனியம் வைத்ததாக குற்றஞ்சாட்டிய பேரன், கோடரியால் பல முறை தாக்கி பாட்டியை கொடூரமாக கொலை செய்த சம்பவம் அதிர்ச்சியை ஏற்படுத்தியுள்ளது.

மகாராஷ்டிரா மாநிலம் பால்கரில் யஷ்வந்த் நகரில் வசிக்கும் கைலாஸ் டாங்கோடு என்பவருக்கு அனைத்து வேலைகளிலும் சிக்கல் ஏற்பட்டு பெரும் நஷ்டம் ஏற்பட்டுள்ளது.

இதற்கெல்லாம் காரணம் தனது பாட்டி சூனியம் வைத்தது தான் என நினைத்த கைலாஷ், வீட்டிலிருந்த கோடரியை எடுத்துக்கொண்டு பாட்டியை பலமுறை தாக்கி கொன்றுவிட்டு அங்கிருந்து தப்பியோடியுள்ளார்.

இதையடுத்து, வீட்டிலிருந்த நபர்கள் அளித்த தகவலின் பேரில் விரைந்த காவல்துறையினர், உடலை மீட்டு உடற்கூராய்வுக்கு அனுப்பி வைத்தனர். இதுகுறித்து வழக்குப்பதிவு செய்த காவல்துறையினர் கைலாசை தீவிரமாக தேடி வருகின்றனர்.