முன்னாள் பிரதமரும் பாஜகவை உருவாக்கியவர்களில் மிக முக்கியமானவருமான அடல் பிஹாரி வாஜ்பாய் 2018ஆம் ஆண்டு ஆகஸ்ட் மாதம் 16ஆம் தேதி உடல்நலக்குறைவால் காலமானார்.
இந்நிலையில், வாஜ்பாயின் இரண்டாம் ஆண்டு நினைவு தினத்தையொட்டி, டெல்லியில் உள்ள அவரது நினைவிடத்தில் குடியரசுத் தலைவர் ராம்நாத் கோவிந்த், பிரதமர் நரேந்திர மோடி, மத்திய அமைச்சர்கள், அரசியல் தலைவர்கள், பாஜக நிர்வாகிகள், வாஜ்பாய் குடும்ப உறுப்பினர்கள் மரியாதை செலுத்தினர்.
முன்னாள் பிரதமர் வாஜ்பாய் 2ஆம் ஆண்டு நினைவு நாள்: தலைவர்கள் மரியாதை...!
இது குறித்து ட்வீட் செய்துள்ள உள்துறை அமைச்சர் அமித் ஷா, 'பாரத் ரத்னா விருது பெற்ற அடல் பிஹாரி வாஜ்பாய், நாட்டு பற்றிற்கும், கலாசாரத்திற்கும் குரலாக இருந்தவர். அவர் சிறந்த அரசியல்வாதி மட்டுமின்றி, பாஜகவை உருவாக்கி ஒருங்கிணைப்பதில் சிறந்த நிர்வாகியாகவும் இருந்தார்' என நினைவைப் பகிர்ந்துள்ளார்.
கார்கில் நாயகனுக்கு 2ஆம் ஆண்டு நினைவு நாள் அஞ்சலி