குஜராத் மாநிலம் சூரத்தில் உள்ள சரோலி பகுதியில் உள்ள சிண்டிகேட் வங்கியில் நேற்று (ஜூன் 23) மாலை 4.30 மணிக்கு சுபாஷ் பாய் பராக் என்ற காவலர் வந்துள்ளார். அப்போது அங்கிருந்த பெண் வங்கி ஊழியரிடம் கணக்குப் புத்தகத்தில் கணக்கு விவரத்தை அச்சடித்து தருமாறு கேட்டுள்ளார்.
அதற்கு, அச்சடிக்கும் இயந்திரம் பழுதடைந்துவிட்டதாக அப்பெண் கூறியுள்ளார். இதனால் ஆத்திரமடைந்த காவலர் அப்பெண்ணை தாக்கியுள்ளார். அதுமட்டுமின்றி அங்கிருந்த மற்றொரு ஊழியரையும் தாக்கியுள்ளார். இந்தக் காணொலி தற்போது சமூக வலைதளத்தில் வைரலாகிவருகிறது.
காவலரால் தாக்கப்பட்ட பெண் வங்கி ஊழியர்: காணொலி வைரல்!