தனி ஒருவனும் சர்ச்சைக்குரிய கிராமமும்!

ஹைதராபாத்: ஆந்திர மாநிலத்தில் உள்ள ஒரு கிராமத்தில் ஒருவர் மட்டும் வாழ்ந்துவருகிறார். அதற்கான காரணத்தை கீழே காண்போம்.

ஆந்திர மாநிலம் கடப்பா மாவட்டத்தில் டாப்பேர்லா என்ற கிராமம் உள்ளது. வளமான விவசாய நிலம் இருந்தும் கடந்த பத்து மாதங்களாக இங்கு ஒருவர் மட்டுமே வசித்துவருகிறார். மைலாவரம் அணை அருகே இருக்கும் இந்த கிராமத்தில் முன்னதாக 200 பேர் வசித்ததாகக் கூறப்படுகிறது. 1992ஆம் ஆண்டு ஓய்வுபெற்ற ஆசிரியர் ஒருவர் அங்கு கொலை செய்யப்பட்டார்.

இதனைத் தொடர்ந்து, அந்தக் கிராமத்திற்கு காவல் துறையினர் அடிக்கடி சென்று விசாரித்ததாகக் கூறப்படுகிறது. விசாரணைக்கு ஒத்துழைக்க முடியாமல் கிராமவாசிகள் ஒருவர் ஒருவராக அங்கிருந்து வெளியேறினர். பல்வேறு விதமான இன்னல்கள் வந்தபோதிலும் சேசதானம்-ராணம்மா தம்பதி மட்டும் அங்கு தொடர்ந்து வசித்துவந்தனர்.

இந்நிலையில், பத்து மாதங்களுக்கு முன்பு ராணம்மா உயிரிழந்தார். இருந்தபோதிலும், சேசதானம் தனி ஒருவராக பல இன்னல்கள் கடந்தும் அரசு வழங்கும் ஊதியத்தை வைத்து வாழ்ந்துவருகிறார்.

இதையும் படிங்க: ரயில் உயர்மின் அழுத்த கம்பியில் தொங்கிய இளைஞர் மீட்பு!