121 வீடுகள் கட்டி கேரள மக்களுக்கு உதவிக்கரம் நீட்டும் ராமோஜி குழுமம்!

திருவனந்தபுரம்: கேரளாவில் ஏற்பட்ட வெள்ளத்தினால் பாதிக்கப்பட்ட குடும்பத்தினருக்கு ராமோஜி குழுமம் சார்பில் கட்டப்பட்டுள்ள வீடுகளை வரும் டிசம்பர் 8ஆம் தேதி கேரள முதலமைச்சர் பினராயி விஜயன் வழங்கவுள்ளார்.

பருவ மழையின்போது ஏற்பட்ட கடும் வெள்ளத்தின் காரணமாக கேரளாவின் பல்வேறுப் பகுதிகள், கடந்த செப்டம்பர் மாதத்தின் போது வெள்ளத்தில் மூழ்கின. குறிப்பாக ஆலப்புழா பகுதி கடும் பாதிப்பிற்குள்ளான நிலையில், பாதிக்கப்பட்டவர்களுக்கான புனரமைப்புப் பணியில் ராமோஜி குழுமம் ஈடுபட்டது.

'குடும்பஸ்ரீ' என்ற தன்னார்வ அமைப்புடன் இணைந்து வெள்ளத்தால் பாதிக்கப்பட்ட 121 குடும்பங்களுக்கு, வீடு கட்டும் பணியை ராமோஜி குழுமம் மேற்கொண்டது. 40 நாட்களுக்குள் 121 வீடுகள் கட்டி முடிக்கப்பட்ட நிலையில், வரும் டிசம்பர் 8ஆம் தேதி இந்த வீடுகள் பயனாளிகளுக்கு வழங்கப்படவுள்ளன.

'ஈ நாடு' புனரமைப்பு நிதியிலிருந்து மேற்கொள்ளப்பட்ட, இந்த நலத்திட்டத்தை ஆலப்புழா மாவட்டத்தின் சார் ஆட்சியர் கிருஷ்ணா தேஜா தொடர்ச்சியாக மேற்பார்வையிட்டார். கேரள முதலமைச்சர் பினராயி விஜயன் தலைமையில் நடைபெறும், இந்த விழாவில் பல்வேறு அமைச்சர்கள், திரைத்துறை பிரபலங்கள் பங்கேற்கவுள்ளனர்.

இதையும் படிங்க: ஆதிவாசிகளின் நலனுக்கு முன்னுரிமை: அமித் ஷா