சேப்பாக்கம் - திருவல்லிக்கேணி தொகுதி திமுக எம்எல்ஏ ஜெ. அன்பழகன் மூச்சுத் திணறல் காரணமாக சென்னை குரோம்பேட்டையில் உள்ள ரேலா மருத்துவமனையில் ஜூன் 2ஆம் தேதி அனுமதிக்கப்பட்டார். பரிசோதனையில் அவருக்கு கரோனா தொற்று இருப்பது உறுதி செய்யப்பட்டது.
கரோனா தொற்றின் காரணமாக தனியார் மருத்துவமனையில் சிகிச்சைப் பெற்று வந்த ஜெ. அன்பழகன்(62) இன்று காலமானார். இதைத்தொடர்ந்து, கண்ணம்மாபேட்டையில் உள்ள மைதானத்தில் அவரது உடல் நல்லடக்கம் செய்யப்பட்டது. மேலும், அவரது இறப்பிற்கு அரசியல் பிரமுகர்கள், திரை பிரபலங்கள் பலரும் இரங்கல் தெரிவித்து வருகின்றனர். அந்தவகையில், ஜெ. அன்பழகன் இறப்பிற்கு கேரள முதலமைச்சர் பினராயி விஜயன் இரங்கல் தெரிவித்துள்ளார்.