டெல்லியில் கரோனாவின் தாக்கம் நாளுக்கு நாள் அதிகரித்து வருகிறது. அண்மையில், தேசிய நோய்க் கட்டுப்பாட்டு மையம் வெளியிட்ட அறிக்கையில், குளிர் காலம், பண்டிக்கைக் கொண்டாட்டங்கள் காரணமாக சுவாசப் பிரச்னைகள் உள்ளிட்டவை அதிகரித்து டெல்லியில் அதிக அளவில் கோவிட்-19 நோய்தொற்று ஏற்பட வாய்ப்புள்ளதாக எச்சரிக்கை தெரிவித்திருந்தது.
இந்நிலையில், தற்போது கரோனா தொற்றின் தாக்கம் உச்சத்தை எட்டியுள்ளதாக டெல்லி மாநில அரசு தெரிவித்துள்ளது. இது குறித்து இன்று (நவ.17) நடைபெற்ற செய்தியாளர்கள் சந்திப்பில் பேசிய டெல்லி முதலமைச்சர் அரவிந்த் கெஜ்ரிவால், "கரோனா தொற்றின் தாக்கம் டெல்லியில் தீவிரமடைந்துள்ளது. அக்டோபர் 28ஆம் தேதி முதல் நாள்தோறும் ஏறத்தாழ 5,000 பேர் புதிதாக பாதிப்படைந்து வருகின்றனர்.
டெல்லியில் கரோனா வைரஸ் பரவல் அதிகரித்து வரும் நிலையில், அதனைக் கட்டுப்படுத்த அரசு பல்வேறு முன்னெச்சரிக்கை நடவடிக்கைகளை மேற்கொண்டு வருகிறது. இது தொடர்பான திட்ட அறிக்கை துணை நிலை ஆளுநர் அனில் பைஜாலுக்கு அனுப்பப்பட்டுள்ளது.