கர்நாடக முதலமைச்சரின் அலுவலகமான கிருஷ்ணா இல்லத்தில் பணிபுரியும் ஒட்டுநர் உள்பட 10 ஊழியர்களுக்கு கரோனா தொற்று ஏற்பட்டுள்ளது.
இதனால், முன்னெச்சரிக்கை நடவடிக்கையாக முதலமைச்சர் எடியூரப்பா மற்றொரு இல்லத்தல் தனிமைப்படுத்திக் கொண்டார்.
இதுகுறித்து அவர் வெளியிட்டுள்ள அறிக்கையில், "நான் நலமுடன் இருக்கின்றேன். யாரும் அச்சப்பட தேவையில்லை. அலுவலகத்தில் சில ஊழியர்களுக்கு கரோனா தொற்று ஏற்பட்டுள்ளதால் நான் வீட்டிலிருந்து சில நாள்கள் பணிபுரிய திட்டமிட்டுள்ளேன். வீடியோ கால் மூலம் அலுவலர்களுக்கு தேவையான அறிவுரைகள் வழங்கப்படும்" எனக் குறிப்பிட்டுள்ளார்.