கர்நாடாக இடைத்தேர்தல் முடிவுகள்: பாஜக வெற்றி!

கர்நாடாக மாநிலத்தில் ஆர்.ஆர். நகர், சிரா சட்டப்பேரவைத் தொகுதிகளின் இடைத்தேர்தலில் ஆளும் பாஜக வெற்றி வாகை சூடியுள்ளது.

பெங்களூரு: கர்நாடகா இடைத்தேர்தலில் இரண்டு இடங்களிலும் பாஜக வெற்றிபெற்றுள்ளது. ஆர்.ஆர்.நகர், சிரா தொகுதிகளுக்கான இடைத்தேர்தல் நவம்பர் 3ஆம் தேதி நடைபெற்றது. இதன் வாக்கு எண்ணிக்கை இன்று (நவம்பர் 10) நடைபெற்றது.

ஆர்.ஆர். நகர் தொகுதியில் பாஜக வேட்பாளர் முனிரத்னா 58,113 வாக்குகள் வித்தியாசத்தில் காங்கிரஸ் கட்சி வேட்பாளரை தோல்வியடையச் செய்துள்ளார். முனிரத்னா கடந்தாண்டு பாஜகவில் இணைந்தார் என்பதும், மூன்றாவது முறையாக அவர் ஆர்.ஆர்.நகர் தொகுதியில் வெற்றிபெற்றுள்ளார் என்பதும் குறிப்பிடத்தக்கது.

சிரா தொகுதியில் பாஜக வேட்பாளர் பி.எம். ராஜேஷ் கௌவுடா, 24ஆவது சுற்று வாக்கு எண்ணிக்கையின் முடிவில் 74,822 வாக்குகளைப் பெற்று வெற்றிபெற்றுள்ளதாக அறிவிக்கப்பட்டது. இவரை, எதிர்த்து களமிறங்கிய காங்கிரஸ் வேட்பாளர் டி.பி. ஜெயசந்திரா 61,573 வாக்குகளை பெற்றார்.

இதையும் படிங்க:ஈ.வி.எம் இயந்திரங்களை குறைச்சொல்வதை நிறுத்த வேண்டிய நேரமிது - கார்த்திக் சிதம்பரம்